मेलबर्न। अष्ट्रेलियामा मेलबर्नको पश्चिमी क्षेत्रमा अवस्थित नेपाली भाषा तथा संस्कृति विद्यालय 'न्याभ बाल चौतारी वेस्ट'को आयोजनामा बालचौतारी वेस्ट रमझम कार्यक्रम भव्य रुपमा सम्पन्न भएको छ। कार्यक्रममा विद्यार्थी भाइबहिनीहरुले आफूमा भएका विविध प्रतिभाहरु प्रस्तुत गरेका थिए।
गायत्री मन्त्र बाचन गरेर सुरु गरिएको उक्त कार्यक्रममा नेपाली राष्ट्रिय गान, गीत, नृत्य, भजन लगायत बिबिध आकर्षक प्रस्तुतिका साथै विद्यार्थीहरुले हातले बनाएका नेपाल सम्बन्धि चित्रहरुको कला प्रदर्शनी पनि गरिएको थियो। विद्यालयले आजको दिनसम्म सफल रुपमा संचालन गर्न साथ तथा सहयोग गर्दै आफ्नो मन, वचन र कर्मले स्वयंसेवकको भूमिका निर्बाह गर्दै आउनुभएका व्यक्तित्वहरुलाई सम्मान समेत गरेको थियो।
विद्यालयका भूतपूर्व संयोजक उगेंद्र रेग्मी, राजु श्रेष्ठ र शिक्षक तथा शिक्षिका मनोज पौडेल, तारा भट्टराई लगायत नृत्य शिक्षिका बर्षा भण्डारी, दिव्या भट्टराईलाई बर्तमान संयोजक सुशील चालिसेले टिका, खादा र मायाको चिनो प्रदान गर्नुभयो।
कार्यक्रममा नेपाली राष्ट्रिय गान सफल रुपमा गाएका विद्यार्थीहरु शाइला अधिकारी, शायना चालिसे, इशानी अधिकारी, आदित जोशी र आर्जित दाहाल, नेपाली भाषा उत्कृष्ट पढ्न सक्नेमा दीपशिखा चालिसे, अनुशासनमा सभिता जोशी, रिजुता श्रेष्ठ र निष्ठा गुरुङ, चित्रकलामा रिया कटुवाल, राम्रो लेखनमा प्रणय चालिसे, अन्तरा दाहाल, नियमित विद्यालयमा उपस्थित हुनेमा शायना चालिसे, समिका चालिसे, दिया श्रेष्ठ, शाइला अधिकारी, शारोन भण्डारी, इशानी अधिकारीलाई विजेताका रुपमा प्रमाणपत्र प्रदान गरिएको थियो भने कार्यक्रममा आ-आफ्ना प्रस्तुतिका लागि सम्पूर्ण विद्यार्थीलाई सहभागिताको प्रमाणपत्र वितरण गरिएको थियो। विद्यार्थी भाइबहिनीहरु निकै उत्साहित तथा खुसी देखिन्थे। हौसला स्वरुप प्रदान गरिएका प्रमाणपत्र प्राप्त गर्न पाउँदा उनीहरु निकै रमाएका थिए।
कार्यक्रममा सिडेनह्याम नेवरहुड हाउसका कम्युनिटी लर्निङ्ग याण्ड पार्टिसिपेसन बिभागका बिजिनेस डेभलप अफिसर आइरिन कोमिटि, नेपाली एसोसिएसन अफ भिक्टोरियाका उपाध्यक्ष प्रेम राज उप्रेती, एमएनसी वेस्टका अध्यक्ष शंकर थापा, रोयल वेस्टर्न्स क्लबका उपाध्यक्ष रोशन दाहाल, एनआरएनए भिक्टोरियाका सब-कोर्डिनेटर नारायण कुमार कटुवाल, विद्यालयका स्वयंसेवक लगायत विद्यालय कार्यसमितिका सदस्यहरुको उपस्थिति रहेको थियो।
कार्यक्रममा आफ्नो मन्तब्य राख्दै सिडेनह्याम नेवरहुड हाउसका कम्युनिटी लर्निङ्ग याण्ड पार्टिसिपेसन बिभागका बिजिनेस डेभलप अफिसर आइरिन कोमिटिले कार्यक्रममा विद्यार्थीहरुको प्रस्तुतिबाट आफू निकै प्रभावित भएको बताउनुभयो।
आगामी दिनमा विद्यालयकोअझै प्रगतिको कामना गर्दै उहाँले आफ्नो तर्फबाट विद्यालयका लागि के कस्तो सहयोग पुर्याउन सकिन्छ त्यसको बारेमा विद्यालय परिवारसंग बसेर छलफल गर्ने बताउनुभयो ।
विद्यालयका भूतपूर्व संयोजक उगेन्द्र रेग्मीले न्याभ बालचौतारी वेस्ट विद्यालय आजको यो अवस्थमा ल्याइपुर्याउन आफूले गरेका प्रयासहरुका बारेमा बताउँदै आगामी दिनमा अझै आफ्नो तर्फबाट निरन्तर रुपमा सल्लाह, सुझाव र सहयोग रहने प्रतिबद्धता व्यक्त गर्नुभयो । उहाँले विद्यालय व्यवस्थित रुपमा संचालन भइरहेको देख्न पाउँदा खुसी लागेको बताउनुभएको थियो ।
धन्यबाद ज्ञापनका क्रममा विद्यालयका वर्तमान संयोजक सुशील चालिसेले यहाँ हुर्किरहेको दोश्रो पुस्ताका नेपाली बालबालिकाहरुलाई आफ्नो भाषा, संस्कृति, कला, चाडपर्व बारेमा जानकारी गराउनका लागि विद्यालयको स्थापनाकालदेखि भइरहेका प्रयासहरुको प्रशंसा गर्नुभएको थियो। साथै यस्ता कार्यक्रमले विद्यालयको उद्देश्य प्राप्ति तथा विद्यार्थीहरुको हौसला वृद्धिमा सहयोग पुग्ने उहाँले बताउनुभयो।
संयोजक चालिसे तथा विद्यालय परिवारले विद्यालय व्यवस्थापन तथा कार्यक्रमको सफलताका लागि सहयोग गर्नुहुने अभिभावक, स्वयंसेवक लगायत सम्पूर्ण व्यक्तित्वहरुप्रति आभार व्यक्त गर्नुभयो। उक्त रमझम कार्यक्रमको संचालन बिद्यालयका कार्यसमिति सचिव बिनिता श्रेष्ठले गर्नुभएको थियो।
विद्यालय हरेक शनिबार बिहान ९ देखि ११ बजेसम्म संचालन हुने गर्दछ। नयाँ पुस्तालाई नेपाली भाषा, कला, संस्कृति र पहिचान सिकाउनका निम्ति स्थापित यस विद्यालयले सहभागितामूलक र विद्यार्थीहरुका लागि मनोरन्जनात्मक सिकाई गराउनका लागि विभिन्न कार्यक्रमहरु गर्दै आएको छ।
-1723260540.jpeg)
-1722510781.jpg)
