काठमाडौं । भारोत्तोलन खेलाडी सन्जु चौधरीको निधन भएको छ ।
१३ औं दक्षिण एसियाली खेलकुद (साग( मा स्वर्ण पदक विजेता भारोत्तोलन खेलाडी चौधरी ललितपुरमा मृत भेटिएकी हुन् ।
ललितपुरको लुभुस्थित भारोत्तोलन प्रशिक्षक संजय महर्जनको घरमा सन्जु मृत भेटिएको नेपाल भारोत्तोलन संघका अध्यक्ष रामकृष्ण श्रेष्ठले जानकारी दिनुभयो ।
प्रशिक्षक महर्जनको घरमा बस्दै आएकी सन्जु बिहान झुन्डिएको अवस्थामा फेला परेकी हुन् ।
प्रशिक्षक महर्जनको घरमा आयोजित रात्री भोजमा सामान्य अवस्थामा सामेल भएकी सन्जु बिहान मृत भेटिएकी हुन् ।
भोजमा संघका अध्यक्ष श्रेष्ठसहित अन्य खेलाडी उपस्थित रहेका थिए ।
प्रारम्भिक अनुसन्धानमा उनले आत्महत्या गरेको देखिएको छ ।
नेपाल प्रहरीका प्रवक्ता बिष्णुकुमार केसीले घटनाको प्रकृति हेर्दा आत्महत्या गरेको देखिएको र अनुसन्धानपछि थप जानकारी आउने बताउनुभयो ।
१९ औं एसियाली खेलकुदका लागि बन्द प्रशिक्षणमा सामेल हुन सन्जु काठमाडौं आएकी थिइन् ।
उनी एसियन गेम्सका लागि प्रारम्भिक छनोटमा परेकी थिइन् ।
बाँके घर भएकी सन्जुले १३ औं सागमा महिला ५९ केजी तौल समूहमा श्रीलंकाका खेलाडीलाई पछि पार्दै स्वर्ण जित्न जितेकी थिइन् ।
-1723260540.jpeg)
-1722510781.jpg)
