काठमाडौं । नेपाली कांग्रेसमा संस्थापनइतर समूहका नेताहरूले आन्दोलनको घोषणा गरेका छन्।
सभापति शेरबहादुर देउवा पक्षले टिकट वितरणमा एकलौटी गर्न खोजेको विरोधमा नेता शेखर कोइराला र महामन्त्री गगन थापानिकट नेताहरूले आन्दोलन घोषणा गरेका हुन्।
सोमवार ठमेलमा बसेको बैठकले असोज १२ गतेदेखि १४ गतेसम्म पार्टी नेतृत्वलाई खबरदारी गर्न विभिन्न कार्यक्रम गर्ने निर्णय गरेको छ।
पार्टीभित्र टिकटलगायतमा समान अवसर र दुःख गरेका कार्यकर्तालाई भूमिका तथा न्याय दिनुपर्ने माग असन्तुष्ट पक्षको छ।
नुवाकोट कांग्रेसका निवर्तमान सभापति जगदीश्वरनरसिंह केसी, केन्द्रीय सदस्य प्रतिमा गौतम, अजयबाबु शिवाकोटी, मधु आचार्य, प्रकाश स्नेही, गुरूराज घिमिरे, रामनाथ अधिकारी, भूपेन्द्रजंग शाही, जितनारायण श्रेष्ठ, राजेन्द्र बगजाईं लगायतले छलफल गरी टिकट वितरणमा गुटका आधारमा कसैलाई काखा र कसैलाई पाखा गर्न नहुने भन्दै खबरदारी गर्न लाग्नुभएको हो ।
असोज १२ गते पार्टी केन्द्रीय कार्यालयमा धर्ना दिने, असोज १३ गते बत्तिसपुतलीमा चियापान तथा विरोध सभा गर्ने र असोज १४ भित्र समानुपातिक उम्मेदवारको सूची सच्याउन नेतृत्वसँग माग गर्ने उनीहरूको भनाइ छ।
‘
असोज १४ गतेसम्म पनि समानुपातिक उम्मेदवार सूचीमा संशोधन गरेर शेखर(गगन पक्षका नेताहरूलाई पनि स्थान दिइएन भने बागी पछि प्रत्यक्षमा उम्मेदवारी दिनेलगायत विषयमा छलफल हुने उनीहरुको चेतावनी छ ।
समानुपातिक उम्मेदवारमा पनि शेखर–गगन पक्षले ४० प्रतिशत दाबी गरेका थिए ।
-1723260540.jpeg)
-1722510781.jpg)
