काठमाडौं । बुधबार बिहान ९ः४० बजेतिर एक नेपाल बाहिरको नम्बरबाट फोन आयो । जुन फोन अफिसको एक्सचेन्ज नम्बरमा दुई पटक फोन आयो । त्रिभुवन विमानस्थलमा खटिएका टर्मिनल ड्युटी अफिसरले फोन उठाए ।
फोन उठाउने विक्तिकै उताबाट भनियो,– ‘सलाम वालेकुम । तपाईंको डोमेस्टिक टर्मिनल क्षेत्रको सात ठाउँमा बम राखिएको छ । दुई घण्टाभित्र विस्फोट हुन्छ ।’
त्यसको केही समय पुनः फोन आयो । यताबाट टर्मिनल ड्युटी अफिसरले प्रश्न गर्न नपाउँदै उताबाट सात ठाउँमा बम राखिएको र दुई घण्टाभित्र विस्फोट हुने कुरा दोहोर्याए ।
आन्तरिक उडानतर्फका ड्युटी अफिसरले तत्कालै नागरिक उड्डयन प्राधिकरणको कार्यालयका अधिकारीलाई जानकारी गराए । त्यसपछि तत्कालै सुरक्षा निकायलाई खबर गरियो । बिहान ९ः४० देखि ९ः५० को बीचमा बम राखेकोबारे सूचना पाएपछि विमानस्थल प्रशासनले एक्सन लियो ।
विदेशकै नम्बरबाट आएको फोनमा बोल्ने व्यक्ति भने नेपाली बोलिरहेका थिए । तुरुन्तै विमानस्थल प्रशासन, कार्यरत सुुरक्षा निकाय, नेपाल प्रहरी, सशस्त्र प्रहरी र नेपाली सेनाको बम डिस्पोजल टोली परिचालन भयो । विमानस्थलका प्रवक्ता टेकनाथ सिटौलाका अनुसार डोमेस्टिक टर्मिनलको सम्पूर्ण क्षेत्रमा सर्च अप्रेशन चलायो ।
बम डिस्पोजल टोलीद्वारा यात्रु बस्ने क्षेत्र, सुरक्षा जाँच गरिने क्षेत्रमात्र नभएर शौचालयहरूमा समेत सर्च गरियो । सर्च गर्दा त्यस्तो शंकास्पद वस्तु केही पनि नपाइएको प्रवक्ता सिटौलाले जानकारी दिए । बम राखेको सूचना आएपछि १० बजेदेखि नै सर्च अप्रेशन सुरू गरिएको उहाँको भनाइ छ ।
सर्च अप्रेशन सुरु गर्नुअघि एयरपोर्ट इमरजेन्सी प्लानअनुसार अपनाउनुपर्ने सावधानी अपनाएर टर्मिनलभित्र रहेका यात्रु तथा सबै कर्मचारीलाई बाहिर निकालियो । र सबै विमानहरूको उडान बन्द गरियो ।
सुरक्षा निकायले तालिमप्राप्त कुकुरदेखि बम डिडेक्टरको सहायताले सर्च अप्रेशन चलाइएको थियो । तर, केही पनि शंकास्पद बस्तु फेला नपरेको प्रवक्ता सिटौलाले बताए ।
थ्रेट दिने व्यक्तिबारे सुरक्षा निकायलाई जानकारी गराइएको र सुरक्षा निकायले अनुसन्धान प्रक्रिाय अघि बढाइसकेको उनको भनाइ छ । शंकास्पद बस्तु फेला नपरेपछि बिहान ११ः१० बजेदेखि विमानस्थल सुचारु गरिएको उहाँको भनाइ छ ।
विमानस्थल सुरक्षा प्रहरी प्रमुख एसएसपी भीम ढकालले थ्रेटकलबारे अनुसन्धान थालिएको बताउनुभयो।
प्रविधिमा आएको नयाँ नयाँ विकासले सुरक्षा चुनौति
प्रविधिमा आएको नयाँ नयाँ विकासले सुरक्षा चुनौति बढेको छ । यस्तै भयो त्रिभुवन अन्तर्राष्ट्रिय विमानस्थलका कर्मचारी र नेपालका सुरक्षा निकायलाई बुधवार ।
डिङटोन नामक एप्स प्रयोग गरेर विदेशबाट विमानस्थल कार्यालयको नम्बरमा बुधवार विहान कल गरेर विमानस्थलको आन्तरिक तर्फको विमानस्थलमा ६ ठाउँमा बम राखिएको चेतावनी दिएको थियो । कल नै गरेर चेतावनी दिएपछि सुरक्षा सकर्तकता बढाइएको थियो । नेपाली सेनाको बम डिस्पोजल टोलीले झण्डै एक घण्टा लगाएर सर्च गर्दा विमानस्थल परिसरमा कुनै बम नराखेको पाइयो । अन्तमा डिङटोन नामक फेक कल गर्ने एप्सबाट कल गरेको पुष्टि भएको छ ।
के हो डिङटोन कलिङ एप्स ?
डिङटोन एउटा कल र टेक्स्टिङ एप हो । यो एप एण्ड्रोइड मोबाइलका लागि डिजाइन गरिएको हो । यसले मुख्य रूपमा दोस्रो–लाइन सेवा वा वाइफाइ भएका मानिसहरूका लागि सस्तो फोन कल सेवाको रूपमा कार्य गर्दछ ।
यो एप्सबाट प्रयोगकर्ताले आफ्नो नम्बर सजिलैसँग परिवर्तन गर्न सक्छन् । यस्तै एप्समा आउने विज्ञापनहरू हेरेर निःशुल्क कल गर्न पाउने सुविधा पनि यो एप्समा रहेको छ । यो एप्सको अर्को खास विशेषता भनेको नक्कली फोन नम्बर राखेर फेक वा प्रायंका कल गर्नु पाउनु हो । जसबाट साथीभाइलाई सजिलै झुक्याउन सकिन्छ ।
रमाइलोका लागि दिइएको सुविधाको दुरुपयोग नगर्न एप्समै चेतावनी राखिएको छ । यस्तै यो एप्स कलर आइडी वा फेक कल गर्न नभएको पनि एप्समा प्रष्ट पारेको छ । निः शुल्क सन्देश पठाउन पनि यो एप्स उपयोगी छ ।
यसले कसरी काम गर्छ भन्ने थाहा पाउन तल दिइएको भिडियो हेर्नुहोला :
-1723260540.jpeg)
-1722510781.jpg)
