काठमाडौं । नेपाल आयल निगमले पेट्रोलियम पदार्थको मूल्य तत्काल नघट्ने जनाएको छ ।
भारतबाट पेट्रोलियम पदार्थको मूल्य घटेर आए पनि निगमले मूल्य नघटाउने जनाएको हो ।
यही मङ्सिर १५ गते इन्डियन आयल कर्पोरेसन आइओसीले नेपाल आयल निगमलाई डिजेल, पेट्रोल, मट्टितेल र हवाई इन्धनको घटेको मूल्य सूची पठाएको छ । आइओसीबाट प्राप्त खरिद मूल्यअनुसार एलपी ग्यासको मूल्य केही बढेको छ भने पेट्रोल, डिजेल, हवाई इन्धन र मट्टितेलमा केही घटेर आएको छ ।
निगमका प्रवक्ता विनितमणि उपाध्यायले मूल्य घटेर आए पनि तत्काल पेट्रोलियम पदार्थको मूल्य घट्ने सम्भावना नरहेको बताउनुभयो ।
नयाँ मूल्य सूची अनुसार पेट्रोलमा २.३८ रुपियाँ, डिजेलमा ११ रुपियाँ, मट्टितेलमा ८० पैसा र हवाई इन्धनमा ७ रुपियाँ घटेर आएको उपाध्यायले बताउनुभयो । तर, एलपी ग्याँसमा भने प्रतिसिलिण्डर २ सय ४४ रुपियाँ बढेर आएको छ ।
प्रवक्ता उपाध्यायका अनुसार निगमलाई ५८ करोड रुपियाँ नाफा भएको छ । तर, आइओसीलाई हालसम्म तिर्न बाँकी रकम, पुरानो बक्यौता तथा नेपाल सरकारलाई तिर्नुपर्ने ऋणसमेत गरी करिब २७ अर्ब रुपियाँ तिर्न बाँकी रहेको उहाँको भनाइ छ ।
प्रवक्ता उपाध्यायले अन्तर्राष्ट्रिय बजारमा प्रशोधित पेट्रोलियम पदार्थको मूल्यमा आएको उतारचढावले विगत लामो समयदेखि नोक्सानीमा निगम सञ्चालन हुँदै आएको उल्लेख गर्नुभयो ।
-1723260540.jpeg)
-1722510781.jpg)
