काठमाडौं । गैरआवासीय नेपाली संघ राष्ट्रिय समन्वय परिषद् (एनआरएनए ÷एनसीसी) यूएई नेतृत्वको जिम्मेवारी ठाकुरप्रसाद ढुंगानालाई दिइएको छ।
सर्वपक्षीय सहमतिमा ढुंगानालाई अध्यक्षमा चयन गरिएको संघका केन्द्रीय अध्यक्ष डा बद्री केसीले जानकारी दिनुभयो ।
‘यूएई एनसीसीमा लामो समयदेखि देखापरेको विवाद अब टुंगिएको छ। धेरै प्रयास र पहलपछि सहमतिका आधारमा नयाँ कार्यसमिति बनाइएको हो। यो कार्यसमितिले आईसीसीसँगको समन्वयमा राम्रोसँग काम गर्नेछ भन्ने हाम्रो विश्वास छ,’ डा केसीले बताउनुभयो ।
केही दिनअघि बर–दुबई कार्लटनको होटलमा संघका मध्यपूर्व क्षेत्रीय संयोजक मनोजकुमार श्रेष्ठको अध्यक्षता सम्पन्न भेलाले ढुंगानाको नेतृत्वमा ५७ सदस्यीय समिति निर्विरोध चयन गरेको हो। अध्यक्ष ढुंगाना व्यवसायी हुनुहुन्छ ।
नयाँ समितिको वरिष्ठ उपाध्यक्षमा पासाङ शेर्पा चयन हुनुभएको छ । यसैगरी उपाध्यक्षहरुमा निरन्जन सिलवाल, विकास शाही, नरेश सेन, मदन अधिकारी, जीवन दास, सुजन सापकोटा, शोभा शर्मा, नोमान सिद्दिकी, रमेश ढकाल, केशव नेपाल, कृष्णप्रसाद पौडेल र कृष्ण ठाकुर चयन हुनुभएको छ । यस्तै सोनम श्रेष्ठ महिला उपाध्यक्ष बन्नुभएको छ ।
महासचिवको जिम्मेवारी भने दीपक खड्कालाई दिइएको छ। यसैगरी सचिवमा पुस्कर शर्मा सापकोटा,सुमन पराजुली, वीरेन्द्र नकर्मी, मुन्ना साम्सुल, निरञ्जन खत्री, ताराबहादुर बोहरा र कुमार लम्साल रहनुभएको छ ।
यस्तै विष्णुलाल श्रेष्ठ कोषाध्यक्ष, रमेश गौतम र प्रकाश थापा सहकोषाध्यक्ष चयन हुनुभएको छ । युवा संयोजकमा भीम मल्ल ठकुरी चयन हुनुभएको छ भने युवा सहसंयोजकमा अपिल भट्टराई र शम्भु पोख्रेल चुनिनुभएको छ । भेलाले पूर्व अध्यक्षसमेत रहनुभएका रमेश श्रेष्ठलाई प्रमुख संरक्षकको जिम्मेवारी दिएको छ।
आन्तरिक विवादका कारण एनसीसी यूएईको अधिवेशन पटक–पटक विथोलिएको थियो। विवादकै कारण झण्डै एक वर्षदेखि एनसीसी यूएई नेतृत्वविहीन रहन पुग्यो।
भेलाका लागि केन्द्रीय अध्यक्ष डा केसी आफै दुबई पुग्नुभएको थियो । यस्तै उपाध्यक्ष धर्मराज अधिकारी, युरोप संयोजक ललितकुमार न्यौपाने र रसियाका अध्यक्ष शिवमणि भुर्तेल पनि भेलामा अतिथिका रुपमा सहभागी हुनुभएको थियो ।
-1723260540.jpeg)
-1722510781.jpg)
