काठमाडौं । स्थानीय तह निर्वाचनको मतगणनाको नतजिा आउने क्रम चलिरहेको छ।
बुधवार बिहान ७ बजेसम्म देशभरका चार सय ४ स्थानीय तहको अन्तिम नतिजा सार्वजनिक भइसकेको छ।
चार सय ४ स्थानीय तहको अन्तिम नतजिा सार्वजनिक हुँदा कांग्रेस सबैभन्दा धेरै पालिका जित्दै अग्र स्थानमा छ। कांग्रेसले अहिलेसम्म १८२ स्थानीय तहको प्रमुख जितेको छ भने १ सय २९ स्थानीय तहमा अग्रता कायम गरिरहेको छ।
२०७४ को स्थानीय तहको निर्वाचनमा सबैभन्दा धेरै स्थानीय तह जितेर पहिलो दल बनेको नेकपा एमाले यो निर्वाचनबाट दोस्रो स्थानमा पुग्ने निश्चित भएको छ।
एमालेले अहिलेसम्म ११८ स्थानीय तहको प्रमुख जितेको छ। मतगणना चलिरहेका ८६ पालिकामा एमालेले अग्रता कायम राखेको छ।
माओवादी केन्द्रले अहिलेसम्म ८२ स्थानीय तहको प्रमुख जितेको छ। ३९ पालिकामा उसले अग्रता कायम राखेको छ।
एमालेबाट फुटेर बनेको नेकपा एकीकृत समाजवादीले अहिलेसम्म ६ स्थानीय तहको प्रमुख जितेको छ। १४ स्थानीय तहमा उसले अग्रतालाई कायम राखेको छ।
जनता समाजवादी पार्टी (जसपा) ले अहिलेसम्म पाँच स्थानीय तहको प्रमुख जितेको छ भने २९ स्थानीय तहमा अग्रता कायम गरेको छ।
त्यसैगरी बुधबार बिहानसम्म सार्वजनिक परिणाम अनुसार देशभरमा पाँच स्थानीय तहको प्रमुखमा स्वतन्त्र उम्मेदवार विजयी भएका छन्।
राष्ट्रिय जनमोर्चाले अहिलेसम्म तीन स्थानीय तहको प्रमुख जितेको छ भने राप्रपाले काठमाडौंको शंखरापुर नगरपालिका र झापाको हल्दीबार गाउँपालिकाको प्रमुख जितेको छ। नेपाल मजदुर किसान पार्टीले अहिलेसम्म भक्तपुरको एउटा स्थानीय तहमा जित हासिल गरेको छ।
-1723260540.jpeg)
-1722510781.jpg)
